صحيفة المرصد – “على بالي شوية مندي وشاي على الجمر”.. بالفيديو: “عبودكا” يتفاجئ بالتطور الذي حدث في أبها ويقارن بينها وبين سفره لأوروبا

صحيفة المرصد: عبر مشهور سناب شات الكويتي “عبودكا”، عن دهشته بما شاهده في أبها بمنطقة عسير، مشيراً إلى أنها تغيرت كثيراً عن السنوات السابقة، وأن مكوثه فيها 4 أيام تعادل شهوراً في أوروبا.

جنة ما فيها ناس ما تنداس

وقال عبودكا :”ردي على اللي يقول ليش تصيف في أبها وفي أماكن ثانية، أقول جنة ما فيها ناس ما تنداس، ولو تقعد في أزين مكان في العالم ما فيه ناس مثل نفسك ولا الروح نفسها ما راح تستأنس”.

وأضاف :”أنا كنت في أوروبا، وقال لي صديق تعال عندي هنا، قلت في بالي أترك أوروبا وأروح أبها، وفي بالي أبها القديمة الشوارع كان فيه شوية قرود وشوية مندي وشاي على الجمر، وأهلها الطيبين فقط، يعني كانت بدائية جداً من 11 سنة”.

صعقت من التطور اللي يصير في الجنوب 

وتابع :”الحين إنسى إنك في أبها، هذي فروع لمطاعم ومقاهي إنجليزية وأسترالية وكندية، وأمريكية، وإيطالية، يا جماعة في تكنولوجيا هنا أنا صعقت من التطور اللي يصير في الجنوب وتحديداً في أبها”.

ما فيه مكان لأهلي أحجز لهم

وأكمل :”طبعاً فيه تعليقات تقول دافعين لك عشان إعلانات حق الجنوب، قسماً بالله أنا كنت بتصل بأهلي في الكويت يجيوا يصيفون هنا، ما لقيت مكان أحجز لهم، الأربع أيام اللي قعدتها في الجنوب تعادل أشهر من سفري لأوروبا”.

وأضاف :”يا جماعة الموضوع صار نفس موضوع الرياض، الحين أشوف أبها قاعدة تطلع طلوع مخيف الله يبارك لهم في هذي الديرة ورفعتهم من رفعتنا”.