وجه الفنان عمرو جمال رسالة غامضة عبر حسابه الرسمي بموقع الصور والفيديوهات «انستجرام»، مشيرًا إلى أن الشخص المثالي دائما يعيش داخل ضغوط كبيرة تصل لتدمير بعض الأشخاص لتحقيق المثالية.
وقال عمرو جمال عبر «انستجرام»: «انت كده كده عمرك ما هتبقى مثالي، انا طول عمري بحب التفاصيل وبحب كل حاجه اعملها اعملها بإخلاص شديد ودايما عايز الحاجات تبقي مثالي وزمان كنت بتفشخر اوي وأنا بقول «أنا Perfectionist، لحد ما فهمت قد إيه الموضوع ده مجهد وممكن يخلص على حياة البني آدم».
وأضاف: «لأن الإنسان بمقدراته المحدودة بيحاول يصدق إنه ممكن يتحكم في كل حاجة …. فيضغط نفسه إنه يعمل كل حاجة بأحسن شكل يا إما ما يعملش خالص. وبما إن محدش يعرف أصلا إيه أحسن شكل»، فاللي بيحصل إننا بنأجل ونسوف أبسط الحاجات اللي ممكن نعملها دلوقتي لإننا شايفينها مش مكتملة «ومش عارفين نصدق أن الحاجات البسيطه بتاعت النهارده ممكن نبقي حاجات كويسة لو اتحط عليها حاجات بسيطة بكرة وبعده».
وتابع: «بحس المشكلة أن احنا كبشر محدودين مش عارفين نشوف الصورة كامله أو متعلقين بصورة في دماغنا كلها أوهام عن الشىء الكامل من وجهه نظرنا».
واستكمل: «بالنسبالي الواحد اللي مش عايز يتحرك دلوقتي عشان عايز لما يتحرك يعمل عظمه، عامل بالظبط زي اللي سايق عربيه في طريق ضلمه وكشافات العربية منوره ۱۰۰ متر بس قدامه وهو رافض يمشي عشان مش شايف باقي الطريق».
وأشار عمرو جمال، قائلا: «في جمله بتريحني أوي لما الحاله بتاعه الـ perfectionism» بتجيني وهي انت كده كده مش هتعمل حاجة مثالية».
واختتم: «فبالتالي كل اللي في إيدك إنك تعمل أحسن حاجة تقدر عليها في اللحظة دي. وبعدين تعمل أحسن حاجة تقدر عليها في اللحظة اللي بعدها. امشي الـ ١٠٠ متر اللي انت شايفهم دلوقتي وامشيهم كويس، وصحصح كده وركز فـ اللي تقدر تعمله دلوقتي، ومتشغلش بالك اوي المكان اللي انت عايز تروحه ده هيبقي مثالي ولا لا، لأن ببساطة ممكن البنزين يخلص في أي لحظة. والسؤال ساعتها، استخدمته في إيه؟».
أحدث أعمال عمرو جمال
وكانت أحدث أعمال الفنان عمرو جمال حكاية just you والتي شاركته بطولتها الفنانة تارا عماد ضمن حكايات مسلسل «كل ما تراه ليس كما يبدو» والتي عرضت الأيام الماضية عبر قناة dmc ومنصة واتشات وحققت نسبة مشاهدة كبيرة.
عمرو جمال يتحدث عن دور والدته في حياته
تحدث الفنان عمرو جمال، عن دور والدته الكبير في حياته، بعد وفاة والده، مشيرًا إلى أن فقد والده منذ صغره الذي توفى، وهو في عمر 5 سنوات، وتولت والدته تربيته، وأن والدته كان لها دور كبير في حياته، وأحدثت لدىه توازن في شخصيته.
عن دخوله في عالم التمثيل، قال جمال في تصريحات له خلال استضافته في برنامج «الستات ما يعرفوش يكدبوا» على قناة «CBC»: «أول مرة شاركت في التمثيل كنت في الثالثة الابتدائى، وهنا بدأت أشعر بالسعادة في العمل بمجال الفن، وفي أولى ثانوى كان بالمدرسة مسرح عملاقة، وكنت أمثل في أول مسرحية لى 7 أدوار».
وتابع: «أما في مسلسل ريفو بدأت بالتدريب كمدرب وليس كممثل، ولكن مع الوقت رشحه الإنتاج للمشاركة في المسلسل، قائلا:»كنت بذاكر دوري وأدوار زملائي عشان تدريبهم، والمسلسل تطلب جهد كبير للخروج بالمستوى الأخير اللى حقق نجاح كبير«.
وأشار إلى أنه حريص على التدريب واكتساب الخبرات حتى اليوم، وبدأ العمل في التدريب دون تخطيط مسبق ولكن تشجيعًا من الممثلين الذين عمل معهم وتدرب على أيديهم.