كشفت الفنانة جيهان سلامة كواليس مشاجرتها مع زوجها بسبب دورها فى فيلم «لحم رخيص»، موضحة أنه تعدى عليها بالضرب بعد أسبوع من الزواج، كونه شاهد دورها الذى وصفه بالجريء فى فيلم «لحم رخيص» مع المخرجة إيناس الدغيدى.
وقالت الفنانة جيهان سلامة فى برنامج «تفاصيل» مع الإعلامية نهال طايل عبر فضائية صدى البلد 2، قائلة: «زوجى أتعرف عليا بعد ما قدمت دورى فى فيلم لحم رخيص وكان بيحبنى قوى، وبعد ما اتجوزنا بأسبوع ضربني لأنه تفاجئ إنه ما كانش شاف الفيلم بس أنا حسيت إن دى قصة وهمية عملها علشان أعتزل التمثيل وأقعد فى البيت، ومش عارفة عمل ليه اللفة دى كلها رغم إنه كان ممكن يكون واضح من البداية».
وأشارت الفنانة جيهان سلامة إلى أن الانفصال حدث مباشرة بعد مشاجرتها مع زوجها، وأن الزيجة لم تستمر لمدة عامين، كما أوضحت أنها تتمنى تقديم دور مريضة سرطان، كونها عاشت فترة كبيرة مع المرض، معلقة قائلة: «أنا عشت مع المرض وشفت خطورته، وللأسف بقيت عارفة إن المرض ده لما بيجى للشخص بيفكر إزاى، وإن خطورة المرض مش فى المرض نفسه ولكن فى طريقة العلاج والاستقبال ليه».
واختتمت الفنانة جيهان سلامة: «المرض ده صعب والمشكلة ان الناس بتتخض لما بيتقال أنه مصاب بسرطان بس لازم الشخص يصدق ويامن بالله وشخص يكون وقى وأنه يفوض أمره لله لكن اللى بيحصل أن الناس بتصدق أول دكتور لما يقولهم هتاخدوا كيماوى وأنا النوع بتاعى طلع مينفعش ليه علاج كيماوى غير الحراجة».