سالي عبد السلام – صورة أرشيفية
سالي عبد السلام – صورة أرشيفية
نشرت الإعلامية سالى عبد السلام على صفحتها الرسمية على موقع التواصل «فيسبوك»، مقطع فيديو بمناسبة العام الميلادى الجديد، وتفجر مفاجأة لمتابعيها بأن ربنا رزقها بحمل جديد، وقالت: «بسم الله نبدأ 2026 ببركة ورزق وهبة من الله».
وأضافت، «أنا من إمبارح عايزة أعيط من جمالكم بجد، وأنا شفت دعوات عمرى ما شفتها فى حياتى.. شكراً من قلبى لكل المتابعين».
وتابعت: «كل اللى حواليا قالولى متقوليش وانتظرى، قولى لما تولدى.. بس حقكم إنكم تعرفوا دعواتكم اللى شوفتها وسمعتها أو اتقالتلى فى وشى إن ربنا كرمنى بيها وبكل واحد فيكم.. وده سر قوتى وعمرى ما بنسى، ولما الناس بتقولى اشمعنى أنتى بيدعولك أو بيحبوكى بخاف اتحسد عليها، آه دعوات الناس تغير الأقدار ومستجابة أكتر من دعواتى لنفسى».
وأضافت، «لو قولتلكم إنى استنيت دورى سنين عشان ربنا يرزقنى الرزق والهبة دى عارفة انكم هتصدقوا.. الحمدلله خسرت توأم بس ليا بيتين فى الجنة وبدعواتكم ربنا كرمنى وهيكرمنى وهيكملها على خير وهيبقى معايا زينة الحياة الدنيا واللى يوهبه رضا أى كان وهو على هين «الوهاب»، عايزة دعوات كتير أوى، أكتر من الدعوات اللى فاتت والله عشان الطريق مش سهل وكل شوية يحصل حاجة تصعب المشوار ومضاعفات وكل شوية أخاف أكتر، أضعاف ما دعيتم وتمنيتم يا رب ربنا يرزق كل واحد نفسه يارب».