أحمد سعد – صورة أرشيفية
أحمد سعد – صورة أرشيفية
علق الفنان أحمد سعد على الجدل المثار حول تصريحاته عن برنامج «ذا فويس»، مؤكداً أنه شعر بالخداع خلال تجربته في البرنامج.
وقال سعد في تصريحات خاصة لـ«المصري اليوم»:«كل الاحترام لكل القائمين على البرنامج وكل الناس اللي شاركت من أصغر واحد لأكبر حد، وهذا ليس له علاقة بالشخصيات أو الناس أو الصناع».
وأضاف:«أنا بتكلم عن نفسى، الناس هتقول لو كنت كسبت كنت هقول اتخدعت؟ الموضوع ليس له علاقة بالمكسب أو الخسارة، لكن أنا بتكلم عن الغلطات اللي عملتها في حق نفسي وجمهوري مثل أحمد عوادى، و بقالى أكتر من شهر بتشتم من الجمهور اليمنى، وكل الحب والتقدير للجمهور اليمني، بس بصراحة غلطت فى اختيارات كثيرة جدًا وماكنتش مفروض أعمل كده».
وتابع سعد:«بس لازم أقول لجمهورى إنى اتخدعت، أنا اخترت اختيارات مش كلها بإرادتى الكاملة، وفى مناخات وفي حاجات مينفعش أقولها أو أحكيها لأنها لها علاقة بالشغل وأدبياته».
وكان صرح الفنان أحمد سعد بأنه شعر بالخداع خلال تجربته فى برنامج ذا فويس، بسبب ما وصفه بـ«سير النتائج فى اتجاه معين».
وقال سعد خلال حديثه فى مؤتمر صحفى عُقد فى مدينة الرياض عقب حفله الغنائى: «بصراحة كل الحب والتقدير لكل صنّاع ذا فويس، وكل الحب والتقدير لجودى اللى كسبت، وأنا مبقولش مين يستحق ومين ميستحقش بس أنا شبه اتخدعت يعنى، أنا بقول شبه اتخدعت، حساباتى مكنتش ماشية بالشكل دا، ومكنتش التنظيم ماشى بالشكل دا، كان بيصب على حاجة معينة، واتخدعت بصراحة».