علقت الفنانة لقاء الخميسي، على الأزمة الأخيرة التي واجهتها بعد زواج محمد عبد المنصف من إيمان الزيدي، في. وتحدثت عن تداعيات الحدث عليها وعلى أسرتها، مؤكدة شعورها بالصدمة من الطريقة التي أعلن بها الأمر.
وقالت الخميسي خلال لقاءها في برنامج Mirror: «إحنا كنا عائلة مستورة، قافلة على نفسها، محدش يعرف عننا حاجة، والستر اتشال في لحظة بسبب جواز عشان يعلمنا درس».
وأضافت: «لا كنت شايفة ولا سامعة ولا حاسة بأي حاجة غير أن أنا خدت قلم على وشي، الطرف الآخر فاكر أنه هيخرب بيتي، لكن أنا مش بخرب بيتي.. الكرامة مبتتسكرش لما بتحافظ على بيتك وعيالك ومستقبل عيالك».
وكانت حسمت الفنانة لقاء الخميسى الجدل حول انفصالها عن محمد عبدالمنصف، بعد أنباء زواجه من سيدة غيرها ثم انفصاله عنها، التى انتشرت على السوشيال ميديا الفترة الأخيرة، والتزمت «لقاء» الصمت.
ونشرت عبر حسابها الرسمى بـ«إنستجرام» فيديو يجمعها بزوجها عبدالمنصف، وأطفالهما، فى إشارة إلى أنها لم تنفصل عنه كما أُشيع، ووجهت رسالة لكل سيدة تتابعها حتى تحافظ على منزلها وعائلتها.
وكتبت «لقاء» معلقةً على الفيديو: «الدنيا بتختبرنا دايمًا وأبدًا، أيام بتسعدنا وأيام يتبعدنا وتزعلنا وتجرحنا.. وبنتوه مع نفسنا.. الحكمة بتظهر من قلب الحزن.. وبنقعد نفكر إيه الصح وإيه الغلط وهل اللى عدينا بيه شر ولا خير».
واستكملت: «مفيش حد ما بيغلطش، بس القوى الحقيقى بيعترف بالغلط وبيرجع لصوابه. ربنا فتحلنا باب المغفرة والسماح.. شكرًا من قلبى لكل إنسان دعمنى ووقف جنبى وطبطب عليا وشكرًا لكل أصدقائى المقربين اللى وقفوا جنبى وكل من دعمنى من أصدقاء السوشيال ميديا اللى نوروا حياتى بالمحبة وطبطب على قلبى ودعالى دعوة حلوة».
وأردفت: «آخر حاجة هاقولها، أسهل حاجة فى الدنيا هدم البيوت العمرانة وأقوى حاجة فى الدنيا إننا نحافظ على حياتنا ونحارب على بيوتنا وأولادنا بالحب والسلام.. كلنا بنغلط، وبنندم ونرجع لصوابنا.. ونرجع ببداية جديدة مليانة شغف وحب وسلام وراحة بالحب».
واختتمت «لقاء» موجهةً رسالة لكل السيدات: «لكل ست وربة منزل حافظى على بيتك وعائلتك بكل قواكى وأوعى تدى الفرصة لأى إنسان إنه يهدم بيت العيلة. بحبكم من كل قلبى أصدقائى وعيلتى الكبيرة».