مسلسل وننسى اللى كان – صورة أرشيفية
مسلسل وننسى اللى كان – صورة أرشيفية
رد المؤلف عمرو محمود ياسين، على الجدل المثار مؤخرًا حول إعادة تصوير بعض مشاهد مسلسل «وننسى اللي كان»، مؤكدًا أن كل ما يُتداول عبر مواقع التواصل الاجتماعى لا أساس له من الصحة، ووصف تلك الشائعات بأنها «قمة السذاجة».
جاء ذلك خلال مداخلة هاتفية له مع الإعلامية نهال طايل، فى برنامج «تفاصيل» على قناة صدى البلد2، حيث تحدث عن كواليس العمل ورد على ما أثير حول إعادة تصوير بعض مشاهده.
وقال ياسين: «طبعًا ده قمة السذاجة اللي في الدنيا، عمري ما سمعت حاجة زي كده، والناس اللي كانت بتردد الكلام ده كانوا بيرددوا كلام ساذج جدًا»، مؤكدًا أنه لم يتم إعادة تصوير أي مشهد بالشكل الذي تم تداوله.
وأضاف: «مفيش ولا مشهد تم إعادته إلا فى وقتها، لما نقول ناخد تيك ونعيده ده طبيعي، لكن إن مشهد يكون اتعمل واتعاد تاني بعد ما خلص، ده إحنا ما بنصدق نبعت المشاهد للمونتاج»، مستغربًا: «مشاهد إيه اللى هنعيدها وهنعيدها ليه أصلاً؟».
واختتم ياسين مداخلته بتأكيد حاسم: «الكلام ده فاضي، واللي قاله مش عارف أقول إيه، إزاي مخه صوره له إنه يقول حاجة زي كده، طبعا ده كلام مش صحيح»، منهياً بذلك الجدل الذي انتشر بين رواد السوشيال ميديا.