عبير الشرقاوى – صورة أرشيفية
عبير الشرقاوى – صورة أرشيفية
تحدثت الفنانة المعتزلة عبير الشرقاويـ ، ابنة المخرج الراحل جلال الشرقاوي، عن تجربتها السابقة مع ارتداء النقاب، مؤكدة أنه كان يمثل لها راحة نفسية كبيرة فى تلك الفترة من حياتها.
وكتبت عبر حسابها الرسمي بموقع التواصل الاجتماعى «فيسبوك»: «و الله النقاب كان بيحمي من حاجات كتيرة، كانت أيام حلوة بجد، والنفسية كانت عالية جدًا، ودي أهم حاجة بس مش هاقدر عليه تاني».
وكانت عبير الشرقاوي علقت على الشائعات المنشرة حول ربط عدد من الجمهور عبر مواقع التواصل الاجتماعى حديث الفنانة إلهام شاهين، حول المخرج الذى كان يعطل موقع التصوير بسبب الصلاة، موضحة أن والدها لم يتبرأ منها قبل وفاته.
وعلقت عبير عبر «فيسبوك» قائلة: «بوست منتشر أوى الأيام دي عن قصة إلهام شاهين مع المخرج اللا كان بيعطل اللوكيشن علشان الصلاة وفي ناس اعتقدت إنه والدي وفى ناس تانية غريبة جدًا قايله فى التعليقات إنه إستحالة يكون جلال الشرقاوى علشان هو قاطع بنته لما اتحجبت وإتبرى منها».
وأضافت: «الناس دى أساءت لوالدي بطريقة غريبة جدًا ومستفزة، بابا عمره ما اتبرى مني ولا قاطعني علشان الحجاب.. بابا كان نعم السند والضهر ونعم الأب اللي عمري ما هاعرف أعوّض ضفره.. كان دائم الحرص على مصلحتى ومشفتش في حياتي حد بيخاف على زيه وكان لما حد ييجي يطلب منه طلب صعب الموافقة عليه كان يقول له وحياة عبير علشان يخليه يوافق من غير مقاومة.. اتقوا الله في بابا الله يرحمه واذكروا محاسن موتاكم».