عبر الفنان تامر حسنى عن سعادته الكبيرة، وتأثره البالغ بعد إحيائه حفلًا داخل إحدى المدارس، مؤكدًا أن التجربة كانت مليئة بالمشاعر الإنسانية العميقة التى لمسها من تفاعل الطلاب معه.
وكتب تامر حسنى، عبر حسابه على “فيس بوك”: «حفلة امبارح بالنسبالى مليانة معانى كتير اوى جميلة أثرت فيا اوى.. وكأن التاريخ بيعيد نفسه مع أجيال جديدة».
أضاف: «أول حاجة حفظ الجيل الصغير الجميل ده كل أغانيّا، زى ما إنتوا شايفين من يوم ما غنيت لحد النهارده. والأهم بقى درجة الحب الاستثنائية اللى ربنا هدانى بيها منكم. من مشاعر صادقة انتج عنها دموع أطفال بريئة لا يمكن يجاملوا. مش قادر أنسى دموعهم عشان كنت بودعهم وماشى. والله معرفش إنكم بتحبونى كده».
أشار: «حبايبى أنا بحبكم اوى اوى. ربنا يحفظكم لأهاليكم وتكبروا وتفضلوا تحبونى كده زى اللى قبلك، اللى بيقروا كلامى دلوقتى الصغننين اللى كبروا وبقوا شباب زى الورد. ألف شكر لكم. مدرسة الجزويت العظيمة… الحمدلله على محبتكم».