شنت المخرجة ريما الرحباني، هجوماً على إدارة قناة “LBCI” اللبنانية والقائمين عليها، بسبب عرضها للحلقات الخاصة والبودكاست التكريمي “عالبال يا زياد”، والذي تبثه المحطة تزامناً مع اقتراب الذكرى السنوية الأولى لرحيل شقيقها الموسيقار الكبير زياد الرحباني .
ونشرت ريما، عبر حسابها الرسمي على موقع التواصل الاجتماعي، بياناً شديد اللهجة تضمن عبارات قاسية، بدأت بالتنويه قائلة: “كلمة مش لطيفة، ولا تونسية بدّي قولا، لذا يُرجى من أصحاب النفوس الضعيفة و/أو الحساسة ما يقروها لأنّي رُغم ذلك رح قولا.. شكراً وصباح الخير”.
عتاب حاد من ريما إلى إدارة LBC
ووجهت ريما تعليقها إلى رئيس مجلس إدارة القناة الشيخ بيار الضاهر (دون تسميته صراحة بل بلقبه)، وكتبت : “شِيخْ وَلَوْ شو باك؟ فاتِح منبَرك لكل الكوارث الطبيعيّة والغَيْر طبيعيّة! وعَم تخلّيهُن يصيروا شي مَنُّن يَاه! لماذا؟ والأرضُ لَكُم؟ عَم تِصنَع عجايب صحيح، بس شو صاير عليك!؟ طبل من هون إخْت من هونيك، واوي من هون نِمْس من هونيك.. سي با بيرمي (غير مسموح)!”.
وتابعت في عتابها: “وَلَوْ! أنا مَا بعِرفَك هيك! وإنتَ أساساً، مش كايِن هيكْ تكُون! شو صايِر عليك! وشو صاير معَك؟ ما أَلْ إل بي سي كانت أهَم محَطّة على بِنا! اي شو بنا؟ شُوما كان ومَهما كان ما إلك حق تغَلِّط هلقَدْ وتِجْني علَينا وعلى الشَعب اللبناني”.
وأكملت هجومها: “بعدين بعِلمي إنتَ صديق! والصديق، مِتلمَا بِفهَم الصداقة، بيكون إجمالاً لوقت الضيق! إي شوووو بِنا!؟ لحِّق حالك.. ما إلَك حق والله، لِيه عم تعمل هيك! مَا آنِي عَم فكّر إبقى آنِي وإيَّاك! بس صعبة العيشة هيك! وعم تَعمُل هيك بكِل الشعب اللبناني! خاصةً وإنّو نضافة وشرَف وأخلاق ما عادْ في بنوبْ عا باقِي المحطَّات! إنقرَضت الأخلاق!”.
اتهامات ريما الرحباني
وواصلت ابنة النجمة الكبيرة فيروز هجومها، وكتبت : “لأجل سكوب بيبيع شرفُو وضَميرو وأخلاقو، هيدا إن وُجِدوا من الأساس!، واللي ما بيهمّو إلا حالو وإنّو شوفوني أنا شو مهِم وقوِي، بس لأن فتحولو منبر يرمي فيه كل وسَاختُو وقرَفو وقلة أخلاقو لأن هيك بتِنْقاس القوّة بِنظرو! ما حدا بيِتغيّر أو بيِتحَسَّن”.
وفجرت ريما الرحباني غضبها لتعرض القناة لكواليس تخص شقيقها الراحل بعد وفاته، قائلة: “هلّق بعدما فَلْ زياد إستَغيَبتُوه!! يا قمّة عديمِي الأخلاق، وبلَّشتوا تطَلّعوا الكواليس!!!!؟؟؟ يا عيب الشوم علَيكُن يا بلا شرَف وبلا أخلاق وبلا بَقوة! حتّى بعدما فَلْ بدّكن تاخدوا ضَوْ منّو، لو على طَعنُو بالضَهر”.
واختتمت ريما منشورها بالتعليق : “سبحان الله بحياتي ما نقِزْت من شَخصٍ ما، وطلعت غلطانة! كل اللي نقِزْت منُن أكَّدولي إنّي، للأسف، دايماً على حَقْ! لَبَل طلعوا أبشَع بَعد مِمَّا ظَنَّيْت! فا بَعْد في إنتَ يا شيخ، ما تِنضَم إلُن! هنّي ما تغيَّروا ليه إنتَ تغَيَّرت!؟”.
جدير بالذكر أن شاشة المؤسسة اللبنانية للإرسال (LBCI) تعرض حالياً برنامجاً يحمل اسم “عالبال يا زياد” من تقديم الإعلامي عماد دبور ورئيسة معهد فيلوكاليا الأخت مارانا سعد، وذلك بالتزامن مع إقتراب موعد الذكرى السنوية الاولى لرحيل زياد الرحباني، والتي تحل يوم 26 يوليو الجاري.
أقرأ ايضا
وفاة المخرج خالد الشماط.. ونقابة الفنانين السوريين تنعيه
“مافيش عداوة”.. رضا البحراوي يحسم الجدل حول خلافه مع محمود الليثي