استعان النجم محمد رمضان بجمهوره لكتابة جملتين فى أغنيته الجديدة «حبيبى أنا من غيرك»، موضحًا أن الأغنية كُتبت بالكامل ولم يتبقى لها سوى جملتين، مؤكدًا أنه سيدفع نفس أجر الشاعر مصطفى حدوتة لمن يختار جملته من جمهوره.
وكتب محمد رمضان عبر صفحته الرسمية: «وأنا فى لندن شغال على أغنيتى مع شون بول، كلمنى الشاعر العظيم حازم إكس إن لديه فكرة أغنية مستوحاة من مشهد فى فيلم عبده موتة «حبيبى أنا من غيرك».
وأضاف: «أنهينا الأغنية ولكن باقى جملتين، أرجوا من جمهوري كتابتهم هنا فى التعليقات علشان ألحق أسجلهم دلوقتى، وأنزلهالكم الليلة الساعة 12، واللى هاخد جملته هدفعله نفس أجر شاعر مصر الأول مصطفى حدوتة».
وتقول كلمات أغنية «حبيبى أنا من غيرك»:
حبيبى أنا من غيرك
زى الشارع من غير إنارة
زى التقاطع من غير إشارة
زى القهوة من غير سجارة
حبيبى أنا من غيرك
زى سي السيد من غير أميرة
زى هيسيندا من غير مارينا