أعربت النجمة رانيا فريد شوقي عن حزنها الدشد لفقدانها كلبيها، حيث شاركت صورهم وكتبت عبر صفحتها على “فيس بوك”، قائلة: “في نفس الشهر، قلبي اتوجّع مرتين، سنين من عمري عدت، عاشوا معايا فيها بحلوها ومرّها”.
رانيا فريد شوقي تودع كلبيها
وتابعت رانيا فريد شوقي: “بناتي كبروا معاهم، وأنا كمان بقينا عيلة، دفوني بحبّهم، وعلّموني يعني إيه وفا من غير كلام، حبّوني بصدق، من غير أي مصلحة، كان كل اللي طالبينه يفضلوا جنبي،مالهمش طلبات غير الحب ، ويبقوا معاك بكل عيوبك وظروفك”.
وأضافت رانيا فريد شوقي: “وجع الفُراق ما بيفرقش بين إنسان وحيوان، يمكن بعض الناس ما تفهمش الإحساس ده، وأرجوكم بلاش سخرية، بس اللي عاش التجربة دي يعرف قد إيه الوجع صادق، هما مشيوا بس هيفضلوا جوّا قلبي بنظرتهم وحنانهم وذكرياتهم اللي عمري ما هنساها”.
وشاركت النجمة رانيا فريد شوقي في شهر رمضان الماضي من خلال مسلسل الأميرة – ظل حيطه مأخوذ عن قصة حقيقية، سيناريو وحوار محمد سيد بشير، إخراج شيرين عادل، وينتمى لنوعية أعمال الـ 15 حلقة، ويشارك في بطولته إلى جانب ياسمين صبرى كلٌّ من: نيقولا معوض، وفاء عامر، مها نصار، هالة فاخر، نضال الشافعي، هند عبد الحليم، عابد عنانى، أحمد جمال سعيد، هاجر عفيفى، سمر مرسى، عزت زين، محمد دسوقى وعدد آخر من الفنانين.
