وجه الدكتور مصطفى مدبولى، رئيس الوزراء، التحية والتقدير للمصريين لتحملهم فترة صعبة من الإصلاحات الاقتصادية، وتحمل عبء بناء دولة فى ظل ظروف عالمية صعبة.
وقال الدكتور مصطفى مدبولى، رئيس الوزراء، فى فيديو نشره تليفزيون اليوم السابع: “تركيزنا كحكومة في الفترة القادمة على شيء واحد كيف يبدأ المواطن المصري في الشعور بثمار الإصلاح اللي تم على مدار السنوات السابقة، في كل المجالات سواء في مجال الصحة في مجال التعليم في مجال فرص العمل الكبيرة اللي تبقى متاحة لشبابنا، وفي ثبات الأسعار للاحتياجات الأساسية للحياة ده الشيء اللي بالتأكيد المواطن المصري يحتاجه، وبالأخص الطبقة المتوسطة لأن هي دي اللي بتمثل النسيج الحقيقي للشعب المصري، والجزء الحقيقي لقوة الدولة المصرية”.
وأضاف رئيس الوزراء: “الطبقة المتوسطة اللي كلنا طلعنا منها، الطبقة المتعلمة اللي بتودي ولادها الجامعة، اللي يعني حياتها كلها مركزه على أن الأولاد يبقوا حاجة، ويخرجوا يلاقوا فرص عمل ويلاقوا حياة لائقة، وهو ده تركيزنا الشديد في المرحلة القادمة، وده زي ما بقول لحضراتك أنا بأكد عليه احنا بدايتنا هو هذا العام والثلاث أعوام القادمة أن فعلا يكون هناك تحسين كامل لمستوى جودة الحياة، والقدرة الاقتصادية للأسرة المصرية، عشان يبدأ المواطن يشعر بالثمار اللي أحنا النهاردة كلنا تعبنا فيها خلال الفترة الماضية”.