نشرت الفنانة هيدي كرم فيديو لها عبر حسابها الرسمي على موقع تبادل الصور والفيديوهات إنستجرام، تبدي فيه رأيها عن فكرة التناقض، وقالت هيدي كرم :”الإنسان المتناقض بيفتكر نفسه انه مش طبيعي وانه مش سوي، وبيبقي متلخبط وساكت عن النقاش وعن إنه ياخد حقه من أي حاجة”.
وأضافت: “إحنا مؤمنين بالأدلة والبراهين إننا جزء من الكون وإحنا بنمشي جوا نظام معين ربنا خلقه، في نهار وليل، صيف وشتا، خريف وربيع، في الخريف الشجر بيوقع أوراقه، وفي الشتا الشجر بيزهر، برد وحر، حياة وموت، وكل شيء في الدنيا متناقض، والكون مش هيتوازن إلا لو التناقض دا موجود، وبالتالي طالما الكون قائم على فكرة التناقض يبقي انت كإنسان ليه خايف من وجود تناقض جواك؟”.
واختتمت: “علينا إننا نتقبل دا ونتعايش مع التناقض ونبقي عارفين إن جوانا خير وشر وحب وحقد وكل حاجة وعكسها موجودة جوانا؛ لأننا جزء من التناقض العظيم وانت مع الوقت هتتعلم دا وهتعرف تواجه اللي حواليك”.
هيدي كرم توجه نصيحة لجمهورها
وفي سياق آخر وجهت هيدي كرم نصيحة بشأن القرارات الخاطئة لجمهورها ، حيث نشرت فيديو لها عبر موقع تداول الصور والفيديوهات إنستجرام وقالت : “السلام عليكم .. النهاردة جاية اكلمكوا عن حاجة مبناخدش بالنا منها خالص واحنا بنعملها ، وبتكلفنا وقت كبير ووجع كتير وخسائر كبيرة اوي ، ألا وهي ، كلنا بنغلط وكلنا بناخد قرارات غلط ، زي مثلا قرار أنا عايزة اهاجر بلد تانية ، أنا عندي حلم الهجرة لبرة ، بلد متقدمة ، بتدي سكن للناس ، بتدي فلوس للناس ، بتعلم الناس ببلاش ، أنا عندي حلم إن أنا اعيش في هذه الدولة ، حلم أمريكا ، حلم كندا ، حلم أستراليا ، فأنا باخد بعضي وباخد عيلتي وباخد ولادي وباخد مراتي وبطلع أهاجر ، وبكتشف في النص إن دا قرار غلط ، إني مش عايز أقعد هنا ، عايز أرجع بلدي ، إن أنا هستحمل بلدي بس المهم إني عايز أرجع أعيش فيها ، لكن أنا بكابر ، أكابر إن أنا أخد قرار غلط إن أنا عايز اسيب شغلي وأروح شغل تاني ، وبعد كدا أكتشف إني مش عايز الشغل دا خالص ومش لاقي نفسي فيه لا أنا كنت مبسوط في شغلي القديم بس لأ أنا مش هعمل كدا ومش هقول كدا عشان مبانش غلطان ، أخش علاقة تطلع غلط مش مناسبة ليا ومش بتاعتي بس لا أنا هفضل في العلاقة دي ، انا مش هفرح الناس فيا ، أنا هكمل في العلاقة دي وهعافر فيها عشان بس بعد كدا محدش يقولي إني غلطان قدام الناس والناس تشمت فيا ، دا أكبر غلط .”
هيدي كرم في فيلم “عيلة دياب ع الباب”
كما أعربت النجمة هيدي كرم عن بالغ سعادتها بالتعاون مع الفنان محمد سعد في فيلمه الجديد، مؤكدة أن العمل لا يزال في مرحلة التحضيرات، وأنهما ستجمعها عدة مشاهد سوياً خلال الأحداث ومع النجمة غادة عادل.
وأوضحت هيدي كرم أنها تقدّم شخصية كوميدية ضمن أحداث العمل، مؤكدة أن الشخصية بها تفاصيل جديدة ومختلفة عما قدمت من قبل: “الشغل مع محمد سعد مفرحني جدا وهو فنان موهوب وجميل وباقي الأبطال وإن شاء الله هنعمل حاجة حلوة مع بعض والدور مختلف وحلو وده اللي خلاني أقبل على طول”.