محمد رمضان في كوتشيلا
محمد رمضان في كوتشيلا
استضافت الإعلامية جيهان عبدالله، النجم محمد رمضان، فى حلقة من برنامجها «أجمد 7»، المعروض على إذاعة «نجوم إف إم»، وتحدث رمضان خلال اللقاء، عن موضوعات مختلفة تتعلق بمشواره الفنى وأعماله المقبلة والماضية.
وقال رمضان خلال الحلقة: «كنت حريص إن مصمم الإطلالة بتاعتى فى حفلة كوتشيلا يكون مصرى، وعجبتنى رؤية المصممة لما قالتلى هتلبس درع معمول من جنيهات مصرية، والحمدلله الحفلة نجحت».
وأضاف: «الدليل على دا إن الشركة اللى أنتجت الحفلة اختارتنى عشان أكون أول عربى يغنى فى مهرجان وايرليس ودا أكبر مهرجان فى أوروبا، وبعد الإطلالة دى بقيت أكتر حرص فى اختياراتى، عشان مديش فرصة للأعداء ينتقدونى، ومحبش أضايق جمهورى، واعتبرت إن الإطلالة دى غلطة ومش هتتكرر تانى».
وتابع: «الانتقادات اللى تعرضت ليها فى الحفلة متضايقتش منها، لأنها مبالغ فيها، ولو المنتقدين كان عندهم حق كان جمهور كوتشيلا انتقدنى،وفيه حملة هجومية حصلتلى مبالغ فيها، والمعروف إن النجوم اللى بليغنوا فى كوتشيلا بيلبسوا إطلالات مميزة».
واستكمل: «حتى لو كنت لبست بدلة كان هيبقى فيه انتقادات برضو، لأن الحاقدين مش هيعجبهم إن حد ينجح من غير هجوم،ودى ضريبة النجاح وحاجة طبيعية اتعودت عليها، والنجاح اللى بحققه بينسينى كل الانتقادات دى».