استضافت جيهان عبد الله، The Global Icon النجم محمد رمضان، اليوم الخميس، في الجزء الثاني من لقائه في برنامج «أجمد 7» عبر «نجوم إف.إم».
وقال محمد رمضان إن أكثر جملة قيلت له من جمهوره وما زالت عالقة في ذهنه هي «إحنا معاك وربنا معاك»، وقال: «حسيت إن وكأنه بيقول لي إحنا ما بنصدقش اللي بيتصدر، إحنا معاك إحنا في ضهرك».
وفي نهاية عام 2025 قال: «إني أكون معترف بيا من قارتي وإني ابنهم ده بالنسبة لي نجاح عظيم ودليل إني ما كنتش ماشي في طريق غلط وإن ربنا كان مديني الرؤية السليمة إن بعد الدول العربية، إني أسعى لأسرتي التانية وهي إفريقيا»، مضيفًا أن «الجملة اللي بقولها لنفسي وأنا طالع على المسرح الثقة في الله نجاح، وأدعي ربنا إني أقدر أسعد وأبهر الناس».
وتطرق محمد رمضان لحياته الشخصية وأوضح: «الثابت عندي، هو تربيتي وانتمائي لبلدي ومبادئي، لكن معنديش يوم شبه التاني ولا سنة شبه اللي قبلها، ودي حاجة لو مش موجودة هبقى عايش حياة مملة، والمتعة إننا نشوف جديد ونلمس أراضي جديدة ونوصل لناس مختلفة، ولذلك أحب فكرة الاستمرار على النجاح أكتر من الحفاظ على النجاح، لأن الاستمرار ممكن تكون كلمة جامدة وثابتة أنا عاوز أكون متجدد.
وتابع: «أنا يومي طبيعي شبه يوم أي حد، بصحى بصلي وبلعب رياضة وبفطر، وبعد الضهر بيرجع الأولاد من المدرسة بيحكولي عملوا إيه، ودول مصدر طاقتي وأماني، ومفيش يوم يعدي من غير ما أسمع صوت أمي، وأخويا محمود معايا على طول، وكذلك بتكلم مع أختي إيمان، وده جنب شغلي».
Related