الفنانة ريهام عبدالغفور
الفنانة ريهام عبدالغفور
علقت الإعلامية رضوى الشربينى، على الصورة المنتشرة للنجمة ريهام عبدالغفور، من العرض الخاص لفيلمها «خريطة رأس السنة»، المعروض حاليًا فى السينمات، إذ تم تصوير «عبدالغفور» من زاوية أظهرتها بوضع مخل.
وقالت «الشربينى»، خلال برنامجها «هى وبس»، المعروض على قناة «dmc»: «أنا مش طالعة أدافع عن ريهام عبدالغفور، فيه ناس كتير قامت بالواجب من ساعة ما الصورة بتاعتها انتشرت، لكن أنا عايزة أتكلم عن الموقف والحدث، زى ما فيه ناس دافعت عنها، فى ناس كانت ضدها، أنا بوجه رسالة للناس اللى ضدها، وقالوا دى كان لازم تلبس أطول».
وأضافت: «مهم نعرف اللى كان عايز يصورها من الزاوية دى نيته كانت إيه، حضرتك رايح تغطى حدث، عرض خاص لفيلم فيه نجوم وأصحابهم، الصورة دى الغرض منها إيه، إنما الأعمال بالنيات، إيه الرسالة اللى عايز توصلها لما تنقل صورة لريهام عبدالغفور بالشكل ده فى هذا الحدث، يبقى هو عايز يطلع تريند على حساب واحدة ست، ربنا أمر بالستر، الست بقالها سنوات محضرتش عرض خاص، وأكيد ندمت».
وحقق فيلم «خريطة رأس السنة» إيرادات متوسطة فى أول أسابيع عرضه فى دور العرض المصرية، وجنى فقط 2 مليون و181 ألف جنيه، مقابل بيع 14 ألف تذكرة تقريبًا، فى مفاجأة لكل صناعه.
فيلم «خريطة رأس السنة»، بطولة ريهام عبدالغفور، ومحمد ممدوح، وأسماء أبواليزيد، وآسر، وهنادى مهنا، ومصطفى أبوسريع، تأليف يوسف وجدى، إخراج رامى الجندى، إنتاج أحمد حمدى.
وتدور أحداث فيلم «خريطة رأس السنة» حول رحلة بطولية تخوضها «ريهام» برفقة ابن شقيقتها الصغير، بحثاً عن والدته التى تختفى عقب وفاة والده المفاجئة، وخلال الرحلة، تواجه البطلة تحديات تفوق قدراتها الجسدية والنفسية، فى إطار إنسانى ملىء بالمواقف المؤثرة.