أعلن الفنان والإعلامى مراد مكرم، عبر حسابه الرسمى على موقع «فيسبوك»، انتهاء تعاقده مع شبكة قنوات CBC بعد سنوات من العمل المشترك.
وكتب مراد مكرم فى منشوره: «بعد سنوات من العمل، أعلن اليوم عن انتهاء تعاقدى مع شبكة قنوات CBC، الخبر ده مش سهل يتكتب في سطرين، لأن CBC ما كانتش مجرد شاشة بطلع منها، دى كانت بيتى التاني».
وأضاف: «من أول يوم دخلت فيه المكان ده، وأنا حاسس إنى وسط عيلة حقيقية بتشتغل بحب، باحترام، وبإيمان إن اللى بنقدمه للناس لازم يكون نابع من ضمير حقيقى ومسؤولية».
وتابع: «بحب أشكر كل حد اشتغلت معاه، قدام الكاميرا ووراها، من إدارة، إعداد، إخراج، فريق إنتاج، زملاء ومذيعين… كل شخص ساهم فى تجربة عمر، وكل شخص علمنى حاجة حتى من غير ما يقصد، كان فيه دعم، وكان فيه احترام، وده أغلى حاجة ممكن أى حد يطلع بيها من مكان شغل».
وأكمل: «أغلق صفحة مهمة فى حياتى المهنية، وأنا ممتن لكل لحظة فيها، ومتطمن إن اللى جاى مكمل على اللى فات، بخبرة أكبر وقلب هادى ونية صادقة».
واختتم مراد مكرم: «شكرا CBC، وشكرا لكل اللى كانوا جزء من الرحلة، إلى لقاء جديد، وخطوة جديدة بإذن الله».