كشفت الفنانة لقاء الخميسي تفاصيل اللحظة التي علمت فيها بزواج زوجها الكابتن محمد عبد المنصف دون علمها، موضحة أنها فكرت في الطلاق حينها، لكنها لم تتخذ قرارها في لحظة الانفعال.
وقالت لقاء الخميسي، خلال استضافتها في برنامج Mirror: “لما محمد عبد المنصف قالي إنه اتجوز كنت منهارة وخدنا بريك من بعض علشان أهدى، لأني لو خدت القرار في اللحظة البائسة هيكون قرار غلط، لأن اللحظة اللي كنت متضايقة فيها كنت عايزة أتطلق، أي ست هتتحط في الموقف ده أول كلمة هتقولها طلقني إحنا كلنا تافهين”.
وتحدثت لقاء الخميسي عن تفاصيل معرفتها بخبر الزواج، قائلة: “عرفت من شهر 10 من وأنا في الجونة بشكل لئيم، حد كان جاي قاصد يوصلي المعلومة، ولما رجعت قولتله وبعدها بيومين قالي إن ده حصل، مستقبلتش الخبر بهدوء خالص وحسيت أني خدت قلم على وشي والدنيا اسودت على الكل، وعلى مدار 7 سنين محستش بأي تغيير ولا شكيت فيه ومقصرش معانا ولا كان فيه أي غلطة”.
وكانت لقاء الخميسي قد علقت على أزمة زواج محمد عبد المنصف عبر حسابها على إنستجرام، حيث كتبت: “الدنيا تختبرنا دائمًا وأبدًا، أيام بتسعدنا وأيام بتبعدنا وتزعلنا وتجرحنا، وبنتوه مع نفسنا، الحكمة بتظهر من قلب الحزن، وبنقعد نفكر إيه الصح وإيه الغلط وهل اللي عدينا بيه شر ولا خير؟ ومع الوقت ولما النفس تهدى والعقل يفكر والقلب يدق، بنكتشف إن كلنا بنغلط وبنتوه شوية في وسط الزحمة، فيه ناس بتغلط وتكمل في الغلط، وفي ناس بتغلط وبترجع لحكمتها وبتندم وتصحح الخطأ”.
aXA6IDE5Mi4xMjYuMjE3LjE2NyA= جزيرة ام اند امز US