تحدث المخرج القدير مصطفى الشال عن كواليسه مع النجم الكبير الراحل حسن يوسف، حيث قدم الاثنان سويا 6 مسلسلات دينية تاريخية، وجاءت ذكريات الشال عن حسن يوسف بالأخص عن مسلسلهما “إمام الدعاة”، والذى تناول السيرة الذاتية للإمام محمد متولى الشعراوى.
وحكى المخرج القدير مصطفى الشال عن نصائح الشيخ محمد متولى الشعراوى للفنان الكبير حسن يوسف، حيث قال في مداخلة هاتفية لتليفزيون اليوم السابع: “الحاج حسن بيحكى بعد هو ماكان ابتعد عن التمثيل وقرب من ربنا ومالهوش أى أعمال فنية.. وبقى من رواد إمام الدعاة الشيخ الشعراوى.. وقاعد بيحكى للإمام.. بيقوله يعنى أنا بعدت عن التمثيل ودخلت في تجارة.. وأرض زرعتها وكدة.. لكن بالنسبة لى كلها جات بخسائر وكدة.. فالشيخ الشعراوى قاله بص ياحاج حسن: سيبت اللى بتفهم فيه وروحت للى مابتفهمش فيه: قاله إزاى: قاله: أنت زمان كنت بتعمل أعمال كنت بتعرف الشباب إزاى يعاكسوا البنالت ويضحكوا مع البنات وكدة .. أنت دلوقتى ربنا هداك وترجع لشغلك بس تقدم للناس الشئ اللى يفيدهم الشئ الى يقدملهم النصيحة الشئ اللى هما يستفيدوا منه”.
وأضاف الشال قائلا: “قاله تعمل أعمال تقدملهم المثل الكويس والمثل الأعلى.. فمن هنا الحاج حسن رجع تانى وعمل معايا مسلسل “ابن ماجة” قبل ما يعمل مسلسل ” إمام الدعاة”.. وبعد ما عملنا الشعراوى عملنا مسلسل “الإمام النسائى”.. عملنا مع بعض 5 أو 6 أعمال فنية كلها دينية ومنهم الإمام عبد الحليم محمود”.