تحدث الفنان الكوميدى ياسر الطوبجى عن أحدث أعماله الفنية، وهى مشاركته في فيلم “صقر وكناريا”، من بطولة محمد عادل إمام وشيكو، والمتواجد حاليا فى دور العرض السينمائية.
وقال الطوبجى في مداخلة هاتفية لتليفزيون اليوم السابع: “أنا الحمد لله صورت فيلم “صقر وكناريا”، من فترة وقبل إجرائى العملية الأخيرة، التي أجرتها في شهر يناير الماضى، والحمد لله الفيلم ناجح وعامل إيرادات مرتفعة جدا.. وشيكو أخ وصديق وحبيب وعشرة.. وبقول للناس اللى دعمونى شكراً.. ناس كتير من حبايبى وزملائى وإخواتى وأصدقائى دعمونى.. ودى نقلة كبيرة من عند ربنا وإن شاء الله أرجع أفضل من الأول”.
ياسر الطوبجى: حسبى الله ونعم الوكيل فى المواقع اللى بالغت فى أزمة مرضى
أكد الفنان ياسر الطوبجى، أنه أجرى عملية استئصال الورم بالقولون منذ 6 أشهر وبالتحديد يوم 27 يناير، وبعدها مباشرة بدأ رحلة العلاج التي تستمر 6 أشهر، وقد قاربت على الانتهاء، موضحا أنه سيستأنف نشاطه الفنى ويعود لحياته بشكل الطبيعى بمشيئة الله فى القريب العاجل.
وقال الطوبجى في مداخلة هاتفية لتليفزيون اليوم السابع: “هناك مواقع أزعجبتنى بعد نشرها أخبار مرضى بطريقة مبالغة فيها.. الناس دى بقولهم حسبى الله ونعم الوكيل فيهم للأسف الشديد، فيه مواقع أخدوا خبر مرضى وبالغوا فيه وكتبوا كلام سيئ يقلق أسرتى وأقاربى.. يعنى حرام عليهم يعنى المريض ده نفسيته بتبقى سيئة من العلاج.. أنت كمان بتدوس عليه بزيادة بالأخبار الكاذبة التي أنت بتنشرها وكل ده عشان الريتش.. يكتبوا عليا الرجل ده بيموت.. كل حاجة بتاعت ربنا ولكل أجل كتاب.. وطبعا دى مواقع صفرة وللأسف ده بيخض الناس ويخض أقاربك.. و يقولوا هو ياسر ماله هو دخل المستشفى تانى.. حسبى الله ونعم الوكيل”.