معاناة ريهام سعيد مع السحر ووقف الحال والموت، تصدر محركات البحث خلال الساعات الماضية، وذلك عقب بث مباشر لها عبر منصة «التيك توك» ،والتي كشفت خلاله عن أسباب أزماتها المتتالية الأخيرة والتي قلبت حياتها رأسًا على عقب.
وأحدث البث المباشر التي ظهرت فيه ريهام سعيد ضجة كبيرة وواسعة، إذ تحدثت عن بعض الدجالين الذين أوهموها أنها مصابة بالسحر ووقف الحال والتشوه والموت، مشيرة إلى أن هذه التنبؤات جميعها حدثت بالفعل في حياتها، لتكتشف مؤخرًا إصابتها بمرض خطير وقد تموت في أي لحظة.
معاناة ريهام سعيد مع السحر ووقف الحال
وتحدثت ريهام سعيد عن تعرضها للسحر على يدر رجل وامرأة كانوا السبب في الكوارث الأخيرة التي حدثت لها، وقالت خلال لايف التيك توك: «في الوقت اللي بكلمكم فيه، بيدخلي ناس على صفحتي الشخصية بيقولولي أنتي مسحورلك أنا عايزة أشوفك، واللي دمروني هما 2 في حياتي ضحكت عليا ست في البداية ودمرتني وراجل تاني، وفضلت 6 سنين علقة ورا علقة ورا تشويه، خفت أتشوه وأموت وأن يكون فيه حد ساحرلي وطبعا ده هبل مني».
وأضافت ريهام سعيد خلال حديثها، قائلة: «بعد ما الراجل مشي، مكنتش نايمة بس حسيت أني نايمة ولقيت طوب بيترمي على ضهري، وكنت موجوعة ونايمة ومش قادرة أصحى، وفضلت اقرأ آية الكرسي مرات كثيرة، لغاية ما ظهرت لي حاجة بيضا بجناحات، والطوب بدأ يهدى واستيقظت في النهاية من النوم، وأنا في مخيلتي أن ده حلم وأنا نايمة، ووقتها كنت بشتغل في قناة الشمس، ورحت عملت العملية وحصل اللي حصل في وشي».
مرض ريهام سعيد الخطير
كما تحدثت ريهام سعيد عن إصابتها بمرض خطير، قائلة: «أجريت وقتها تحاليل وأشعة واكتشفت إصابتي بمرض هشاشة في العمود الفقري قوية جدًا والتي من الممكن أن تؤدي إلى الشلل وعدم القدرة على المشي إذا لم يتم علاجي»، مشيرة إلى أن العلاج يتطلب تناول فيتامينات وحقن باستمرار، ولكن هشاشة العضم في ظهرها قد تجعلها لا تسير على قدمها مجددًا.
وأضافت: «وقتها قلت لو فعلا أنا مأذية وفيه ناس قابلتها في حياتي أذتني وعملتلي سحر ومتغاظين من جمالي ونجاحي وأذوني، سواء وقفت عن الشغل واتحبست واتشوهت ودلوقتي بعاني من مرض خطير».
وتحدثت ريهام سعيد عن إصابتها بمرض آخر قد يجعلها تموت في أي لحظة، قائلة: «بعد ما عرفت موضوع الهشاشة اتوجعت في بطني بشدة ومع التحاليل والأشعة طلع أن أمعائي بتدخل تلف على بعضها وتعمل حاجة اسمها انسداد وبعدها بتفك، وقالي أن ده خطر وممكن أموت في أي لحظة، رنت في ودني وقتها موضوع وقف الحال والمرض والتشوه والموت».
حكاية ريهام سعيد مع حلقة بنات الجن
وقارنت ريهام سعيد بين حياتها والأقاويل التي طاردتها من إصابتها بالسحر لتجد أن جميعها حدث، خاصة أنها لم تصبح في أوج نجاحها مثلما كانت سابقًا، كما أنها لم تتلق أي عروض تمثيل منذ فترة طويلة رغم نجاحها الفني الكبير، قائلة: «حاليًا مش ناجحة زي زمان ومبقاش يجيلي عروض تمثيل رغم أني كنت ناجحة بشكل رهيب وبيندهولي بفاطمة وأشجان وخوخة وغيرها من الأعمال».
كما تحدثت عن إصابتها بتشوه ومرض خطير، قائلة: «والمرض حصل والتشوه حصل، هل مصاريني بتلف حوالين بعضها وهيكون ده سبب موتي، وبدأ ينتابني حالة من القلق، ليه كل حاجة بتتقالي بتحصل، وليه أي حد يقولي أنك مأذية بتحصل، وناس كتير بعدت عني ومحدش بيحبني زي الأول، وحصلي تشوه وكل حاجة حصلت فاضل الموت اللي ممكن يجيلي في أي لحظة».
واستكملت حديثها: «وزي ما يوم الخمس بنات اللي أنا أنقذتهم كانت بداية النهاية بالنسبالي، قررت أرسم لنفسي بداية جديدة، وأنسب كل حاجة حصلتلي في حياتي ليا، لأن أنا اللي عملتها محدش تاني عملها».
ريهام سعيد تحذر من المعالج وصانعي السحر
وحذرت ريهام سعيد جمهورها ومتابعيها عبر لايف التيك توك من المعالج الروحي وصانعي السحر، قائلة: «أرجو أنكم متغلطوش غلطتي، اوعوا تعلقوا أي حاجة نقصاكم في الحياة على السحر، اوعوا تملكوا نفسكم لساحر أو معالج أو حتى واحد جاي يقرا عليك رؤية شرعية، نقراها إحنا»، داعية جمهورها ومتابعيها إلى الاشتراك في تحدي عبر التيك توك لمدة 40 يوم بقراءة سورة البقرة يوميًا.
@el_dodo00
#ريهام_سعيد
♬ الصوت الأصلي – تريند مشاهير 🇪🇬🦁
ريهام سعيد وخوفها على أبنائها
كما تحدثت ريهام سعيد عن خوفها على أولادها وتمنت العمر المديد لها، قائلة: «أنا شخصية مسالمة وبحب الخير لكل الناس وعملت خير كتير أوي وأتمنى يكون في ميزان حسناتي ويدخلني الجنة، ومش عايزة أسيب ولادي في الدنيا غير لما أطمن أنهم كويسين خصوصًا أني عندي ولد عمره 7 سنين ومش عارفة لو حصلي حاجة ابني هيروح فين وهيعمل ايه، وأتمنى ربنا يمد في عمري علشان أشتغل كتير وأحوش فلوس لأولادي حتى لو أنا عندي 50 سنة، ونفسي أعمل مشروع يحقق نجاح كبير، واطمن على اولادي وأشوفهم متجوزين ومبسوطين».
اقرأ أيضًا: انفصال دنيا سمير غانم ورامي رضوان يتصدر التريند.. والأخير يوضح الحقيقة
نسخ الرابط
تم نسخ الرابط