كشف الفنان شريف محمد نجم نجل نجم المسرح الراحل، عن سرقة عدد كبير من إيفيهات والده الذى قدمها في أعماله المسرحية، وبالأخص الذى يمزح فيه عن طبيعة اللغة الفرنسية والتي تتطلب إنهاء أي كلمة بنطق “أوه”.
وقال شريف محمد نجم في مداخلة هاتفية لتليفزيون اليوم السابع: “كان فيه مشهد نزل من مسرحية اسمها “زوجة واحدة لا تكفى”، بطولة محمد نجم وسعيد عبد الغنى وهناء ثروت.. فيه مشهد هناء ثروت بتقوله أنت بتعرف فرنساوى.. فبيقولها الفرنساوى بيبقى أخره “أووه”.. يعنى ممكن أخد السماعة أقولك ألوووه عاملة أوووه أخبارك أوووه.. أزيكوووه”.
شريف محمد نجم: مسرحيات بتتعرض حاليا بينحتوا شغل أبويا
وأضاف نجل نجم الكوميديا الراحل محمد نجم قائلا: “فالجمهور قالك مش المشهد ده اللى عملوه فلان وفلان فى مسرحية كذا.. أنا كمان بعتب ياعينى على النجوم الجداد اللى فاكرين الجمهور مش فاكر حاجات نجوم زمان.. فبيخدوها بيحوروها ويقولوها.. فالجمهور فاهم.. المشهد ده هتلاقيه بالظبط بيتقال في مسرحيات بتتعرض على محطة كبيرة بدون ذكر أسماء”.