حلت الفنانة التونسية يسرا مسعودي ضيفة على برنامج “قعدة ستات”، الذي تقدمه الإعلامية مروة صبري على قناة “ألفا”، وتحدثن في عدد من الموضوعات منها رأيها في تعدد الزوجات، وكيف ترى الحب والعلاقات، وغيرها من الموضوعات الاجتماعية.
وكان هذا ملخص اللقاء:
الراجل المصري ألطف من الراجل التونسي جنين ورومانسي أكتر، ومستحيل أكون زوجة ثانية … أنا زوجة أولى وأخيرة، الاكثر من المستحيل إنى أكون زوجة في السر، اتعرض عليا كتير جواز في السر واتحط لي مغريات متتخيليهاش واستحالة اوافق.
وأضافت: حبيت واحد وعرفني إنه مطلق لكن اكتشفت إنه لسه متجوز، قال لي انا هطلقها وخبيت عنك عشان عارف انك هترفضي، لكن لما شفت الست دي بتكتب له ايه حسيت قد ايه بتحبه وبتتعذب، الراجل عاوز جنس والست عاوزه فلوس تحت مسمى الحب، الحب خلص مع زمن الأبيض والأسود مع شادية ونادية لطفي والرسايل والأغاني.
وعن رأيها في الغيرة قالت: الراجل اللي ميغرش لا عنده رجولة ولا نخوة بس الغيرة لها حدود مينفعش يتحكم فيا ويلغي شخصيتي، ممكن اختار راجل بناء على امكانياته المادية … المجتمع بقى كده، دلوقتي ممكن اتجوز راجل معاه فلوس ومبحبهوش … كفاية العشرة والاحترام، كل ما زاد الوعي زاد الشقاء … الحياة بدون وعي أحلى.
وكشفت يسرا مسعودي أنها تعرضت لخذلان من ناس اتعاملت معاهم واتخلوا عني وده كان سبب في تغير تفكيري وشخصيتي، انتقمت من الشخص اللي حبيته وخذلني في شغله كان حد مهم وخليته دلوقتي ولا حاجة،
دلوقتي اتواجهنا واتصالحنا وسامحنا بعض وبنشرب قهوة.