نفى المنتج أحمد السبكى ماتردد مؤخرا على السوشيال ميديا حول استبعاده للفنان محمد سلام من الجزء الثانى لمسلسل “نيللى وشريهان”، والاستعانة بالفنان بيومى فؤاد بدلا منه، موضحا أن هذا الكلام مجرد كلام مفبرك يسعى البعض لنشره دون سبب معلوم.
وقال السبكى فى مداخلة هاتفية لتليفزيون اليوم السابع: “لا استبعدنا حد من مسلسل “نيللى وشريهان 2″، ولا جبنا حد.. كل ده اجتهادات من السوشيال ميديا، ولسة كريم يوسف بيكتب وأحمد الجندى بيشرف على الكتابة ولسة ما نعرفش مين معانا، ولا حد أتعاقد أصلا على العمل غير بطلى العمل دنيا وإيمى سمير غانم.. لسة بنشوف الموضوع رايح في إتجاه مين ونجيبه.. معانا سلام ولا ما معناش سلام.. معانا خاطر ولا ما معناش خاطر.. كذلك على صبحى وسلوى خطاب بنشوف لسة هما معانا ولا لأ.. ولا فرغنا الحلقات عشان نرشح.. الكتابة اللى هتبين كل ده”.
وأضاف السبكى لتليفزيون اليوم السابع قائلا: “محدش مضى عندى المسلسل إطلاقا، ولا استبدلنا حد ولا جيبنا حد.. عمال أشوف السوشيال والفيس بوك وبضحك.. نفسى أعرف اللى بيكتب ده، جاب المعلومة منين.. أول ما نتعاقد مع حد هنعلن عن ده، لكن بلاش فتى”.